Joxe Mari Agirretxe: bere zazpigarren maratoia da. Eskarmentu handiena duen kidea da.

Rebeka Garzes: hirugarren aldiz da maratoiko zortzikoteko kidea. Bere lehenengo edizioko ilusioa du.

Manoli Zumeta: zortzikoteko kiderik zaharrena bada ere; energiaz eta ilusioz beterik dago. Ondokoek lana egin beharko dute bere erritmoa jarraitzeko.

Meltxor Artetxe: herritik kanpo bizi bada ere, gogoz hartu du parte-hartzearen gonbita.

Jokin Ayerregarai: kiderik gazteena da, baina antzerkian eta dantzan eskarmentua duena. Ilusioz hartu du maratoia.

Lorena Garcia: ilusio eta gogo handiarekin hartu du euskaldun berri honek maratoia. Neska bizi-bizia da, eta ez da geldirik denbora askoan egongo oholtzan.

Agus Mujika: bera izan zen maratoiaren sortzailea.
Bi edizioetan kale egin eta gero, berriro ere zortzikotera itzuli da.

Ilitz Olano: bere lehenengo maratoia da zortzikoteko kide bezala, baina antzerkian esperientzia du. Gogoz hartu du maratoia.